ADVERTISEMENT

This area is available for advertisement. Please contact for details.

Arnivang
Get Adobe Flash player

Yoga arani katalon dun

Staff Reporter,
Diphu, Thekar, Vosik 21:
Det adang kaprek kaprek adim along International Yoga Day katalon along pacheton dunsi pini Bhomta arni Diphu KASA Indoor Stadium alongta District Administration lapen District Health Society atum chelangpet Yoga Day talon dun.
Todap porphai 7 pen porphai 8 an katalon Yoga arani along KAAC Deputy Chairman Ritesh Inghi, CEM Tuliram Ronghang, MP Horen Sing Bey, EM, MAC lapen DC Mukul Kumar Saikia atum chetong dunsi Yoga klem dun.
Yoga pen ajok ok pran kachepamesenji aphan akemang pensi Art Of Living atum laso asai deng lo pusi CEM Tuliram Ronghang jai. Lasi methang aok apran kachepamesenji lapen kaprek kaprek akeso pen kachepajokji aphan monit atum Yoga klem nangji. Yoga keklem along dhorom lapen khei kacheprek alam ave puta alangli jai.
Art of Living, Diphu, abarim thanbang Neelakshi Deka along Shri Shri University, Odisha, Priom Bora lapen Chinmoy Das atum pensi yoga keklem japon lo.
Army, charli osomar, health asaikhi,  district administration, okkarjang lapen arleng kesar atumta pini yoga klem dun.
Lason thak thaksi pini Kreeda Bharati Karbi Anglong District Committee penta International Yoga Day pacheton dunsi Diphu Club along talon dun. Bangso ajaimek along KAAC EM Lunsing Teron alohi sarpo aman pen chetong dun anparta phapangjang KAAC EM Ratan Teron, MAC Rina Terangpi, Longki Phangcho lapen penang an kethe keding atum tame chetong dun. EM Teron pen kejai ke non ason katalon dunlong ke mesen lo lapen klem bom pulote e-ok pran ta mesen po. Lasonsi EM Lunsing Teron kejai ke, aningkang vang ason ili lahai klem dam bom lote ili seta methang methang ok pran mesen po lapen mo non phi ta non ason talon dun ver nangji. Socheng Ronghang pen si than Yoga keklem nangji abidi than lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives