ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 68 KAAC mahang kethek katalon BJP asong atum ratchari ahin kapalut

5 Mile Rongbang Timung arat along ASDC atum chedon dun

Staff Reporter,
Diphu, Thekar, Vosik 21:
Non kevangji Vosik 23 arni ingdeng 68 KAAC mahang kethek arni katalonji ke kai katalon ason kalisi BJP atum ratchari ahin kapalut asonsi theklong. KAAC mahang kethek Diphu along talon vek nangji pu aron ave puke Autonomous State Demand Committee atumta chini seta ASDC atum council kachari bom ahut ajahak aphong ke katalon chethakjam ahutta do.
KAAC pen kaselam KAAC mahang kethek katalon asaimo ateng Semson Sing Ingti akumlin Kt. Khorsing Terang akumlin along mir alek karvak pen akaprek asaimo ke ave det asonsi thek long akaprek asaimo asonsi KAAC lapen kaprek kaprek asaihem along det alama kapachipur pu alam ave.
Aron ave puvoiphit tame Diphu KAAC secretariat alongta mahang kethek talon nangji apotlo seta penap ke kado kave atumta Dongkamukam alongsi dun etpo, athe ahaladaksi kethe dun asaimo paman lo. Lason hen lo BJP atum pen council mahang kethek katalon. Inut bak a EM aphan arpu pek tekangsi Diphu alongta ingdeng 68 KAAC mahang kethek alon dojot pen patalonsi lama pachipur nangji.
Mahang kethek katalon ke BJP ratchari ale aphan kalidet nangji bonta Karbi Anglong arat ale aphansi talon nangji pusi ASDC atum mang lo.
Autonomous State Demand Committee atum pen 5 mile Rongbang Timung arong arat kekhamkhe along kachedon dunji aphan cherai lo. Inter State Bus Terminal (ISBT) kaselamji aphan KAAC CEM Tuliram Ronghang pen kejong adim ke ahokpet SGB Kt. Rongbang Timung alongle binong, halaso ahut malomso aphansi Assam Plantation Crops Development Corporation Limited atum aphan kipi chot puta ASDC jong pusi ASDC pachethang aro aklembangphu Kamalsing Bey birta pachetak.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives