ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu along 20 Bn CRPF nang kaboha atumta Yoga talon dun

Staff Reporter
DIPHU, Thekar, Vosik 21:
Pirthe adang ingdeng pho ‘International Day of Yoga’ along pacheton dunsi pini Diphu along 20 Bn. CRPF Birla Plywood Factory along nang kaboha a CRPF asaiphu pen danglok saikhi atum pen-pen adap porphai 7 apor pen 7:45 angbong Yoga Day paman dun.
Ok pran lapen ason-ason akeso pen kachepajok unji aphan Yoga keklem penta isi Untitled atovar lo mate keso chepa me-un pusi detpi adang amonit atum Yoga keklem chihung lo. Anparta, Yoga keklem pen akeng- eri keso, kamatha kisung, sugar akeso lapen kaprek-kaprek akeso pen jok un.
Lasonsi pini KASA pathu aklam along Commandant RD. Jeany Anal, Bn. Officer, SO, lapen Jawan atum chetosi ingdeng pho ‘International Day of Yoga’ kapaman along Yoga keklem dun rinti.
Lason thak thak si penang an SO, lapen Jawan atum bang School charli a-osomar atum aphan hangsi Unit ahempi lapen Sub unit along Yoga keklem dun rinti lo pusi 20 Bn. CRPF Commandant RD. Jeany Anal pen birta nangpale.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives