ADVERTISEMENT

This area is available for advertisement. Please contact for details.

Arnivang
Get Adobe Flash player

Bokajan pen Nilip Block chelangpet International Yoga Day katalon dun

A Correspondent,
Hanjanglangso, Thekar, Vosik 21:
Bokajan Development Block lapen Nilip Development Block atum patirpisi todap porphai 7 apor pen 5 angdeng International Yoga Day Deopani Tourist lodge along katalon dun.
Laso aphi porphai 10 apor malom pen MGNREGA pen Water conservation scheme a action plan kaselamji aphan special Gram sabha amai tame pangni lo. Bangso amai along Bokajan Development Block lapen Nilip Development Block atum Deopani VDC keparlo angkang apharman penang an chingki chingvai lo.
Pini bangso amai along Deopani VDC chairman Sonjit Lekthe, Bokajan block JE Hemson Terang, Nilip block a JE Sonjoy Bey lapen Gramsevak atum chetong dun.
Kevangji aningkan kam keklem kedamji aphan Local committee klembang atumta methang methang arong kam kedengji aphan amen thap dun lo. Penang an alam chethan chingvaisi mai ingsamjin pachekak lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives