ADVERTISEMENT

This area is available for advertisement. Please contact for details.

Arnivang
Get Adobe Flash player

Aaranyak atum Career Counselling lapen karcho amai kedeng

Thekar Bureau
Guwahati, Thekar Vosik 21:
Aaranyak lapen Chandrasing Rongpi Memorial High School chingrumpet Kohora alangroi akung kedo saideng arong (Project Village) nonhet 10 angdeng ke-un charlitum aphan career counselling ajaimek deng. Bangso arong along kado kave satlang ke-un charlitum aphan laso ajaimek kedeng along archo.
Bangso ajaimek along KAAC MAC Richard Tokbi alohi sarpo aman pen chetongdun lapen ratpangri rong asar Raising Rongpi pen-pen charlitum aphan archo. Laso amai along MAC Tokbi pen charlitum aphan loh kacharli pameji lapen kaprek atum aphan ta loh charli nangji athen kacharli henlo Karbi akhei kachingthur aphan kethenei kachelarji arisim lo pusi charlitum aphan ningpathe pen ningje. Aaranyak atum Karbi arong along hamphang lapen khei kerengji asai kedeng apot choro lapen bangso asaideng aphan phant 110 an chekroi dunlo puta ningje thu. MAC Tokbi kaningje thuke ratpangri lapen NGO asaimo kapchunji aphan rat atum nangbarsi cherapdun nangpo puta ningje.
Bangso ajaimek along Aaranyak a Consultant Dr. Jayanta Sarma charlitum pen career aphuthak chingki chethan si non pen kevangji arni kai along kachetongji ason aphan chisikbom nangpo pu heihui chethan rinti. Aaranyak saideng asaiphu Sarlong John Teron lapen rapbangphi (volunteer) Moina Kramsapi atum ta jaimek along chetongdunsi charlitum pen chethan chingki. CSRMH School athanbang lapen Senior Journalist Swapan Nath pensi bangso ajaimek along lamjai bangphu lapen cherap cheto dun.
Karcho amai along rong along arta keong mate barim bangphu Hariram Ingti, Hon Phangcho, Chatrasing Bey, Dhaniram Rongphar lapen Rupsing Engleng atumta chetongdun.
Jongme, Aaranyak asong rong 4 Chandrasing Rongpi, Hemai Lekthe, Phomen Ingti lapen Rongtara arong atum pen Karbi Anglong, Kaziranga Kohora alongroi atalom angbong malom rong arat kerengji lapen choki-chokam keraikom aphan Participatory Natural Resource Management for ecosystem management asai klem cherap bom pusi Aaranyak pachethang chunbang Udayan Borthakur lapen Aaranyak, Media Production & Communications Division a manager Munmita Boruah atum birta pachetak.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives