ADVERTISEMENT

This area is available for advertisement. Please contact for details.

Arnivang
Get Adobe Flash player

Satlang ki-un charli osomar aphan karcho

Our Correspondent,
Chinthong, Thekar, Vosik 20:
Atumi Vosik 19 arni BJP Chinthong Mondal atum patirpisi Chinthong constituency arlo kedo HSLC asatlang ki-un ariso-okorjang atum aphan karcho amai Morinto along pangni.
Rasing Ingti kachepahemphu amai along BJP Mondal Committee a chunbang Joysing Bongrung mai kepha lamthe kejai lapen alohi kapachini apor en lo.
Mai along Karbi Anglong Autonomous Council a EM Pradeep Rongpi alohi sarpo aman pen chetong dun. Mai along ABVP Convennor Jiten bey pen chenglok kaprek-kaprek man kedo abangphu atumta chetong dun.
Mai along kado kave bang phoro sose charli osomar atum aphan Karbi apoho pensi archo lapen non angdeng kangtui kacharli aphan amen kachethap dun ahut akenang atangka kerap pajir dun lo.
Mai along VDC chairman Khorsing Senar, Chinthong LAMPS chairman Darsing Hanse, chunbang Longsing kro atumta chetong dun.
Mai along kachetong dun alohi sarpo Pradeep Rongpi pen satlang ki-un charli osomar atum aphan kevangji arni la-an sose chepaduk pen angdeng kangtui anta lapuson kachepa-un dun bomji aphan than pare. La-an chot kali alangli HSLC asatlang mesen angthek pen kachepa-un pen longri aphan nongme kevang apotta kurvangthu pajir lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives