ADVERTISEMENT

This area is available for advertisement. Please contact for details.

Arnivang
Get Adobe Flash player

LDC atum pen Langsoli-et hithi kimi along satlang ki-un atum aphan karcho

Our Correspondent,
Langsoli-et, Thekar, Vosik 20:
Langsoliet Development Committee atum kapatirpi along Jambili Literary Foundation (JLF), KSYC Langsoli-et Area Council, KSA Langsoliet Branch, Inglong Kehai KCS Unit lapen Ovemi Club atum cherap dunsi Hirjir Achatai anong e kipi ningkan isi kepleng lapen HSLC, HS, BA, MA angdeng asatlang ki-un atum charli bangphu-phi atum aphan karcho amai pangni.
Adap porphai 10.30 apor pen Karbi Hijir Achatai along akemenai anong-e achiklo jonvang kipi ningkan isi kepleng amai pangni. Nongnam kachethangklong Hirbang Kaibya Kamal anong-e kelong abangphu Sar-et Hanse si mai chari lo. Mai along rat saiklembang Saising Rongpi alohi sarpo aman pen chetong dun. Man-peng alohi EM barim lapen JLF bidisar Surya Rongphar, nongnam kachethang tokbang lapen JLF bidisar Karan Hansepi, tokbang-hirbang Khogen Ingti atum pen chenglok kaprek-kaprek man kedo abangphu atum chetong dun.
Hirjir achatai along hijir ketok kachepate kehai ahirbang Bikram Ingti Kathar, Dayaram Tokbi, Sanjay Bey, Jeena Lekthepi, Beauty Tokbipi lapen ningkan isi kechok anong-eh kelong ke Rojini Teronpi. JLF atum methang kasonse ahirjir hirsi  kachetong arat atum parju lo. Rojoni Teronpi aphan Aru achiklo kemenai ahirjir anong-eh alohi sarpo arideng pensi pajir lo.
Laso aphi porphai 12:30 apor pen karcho amai pangni. Langsoli-et Development Committee ameiphu Babul Inghi kachepahemphu amai along along sankur chunbang Ananda Timung alohi kapachini lapen mai kepha alamthe jai. Mai along alohi aman pen KAAC EM Ratan Teron chetong dun. Mai along KSA dun meiphu Mirjeng Kro, KSYC sankur chunbang Bipul Tisso, Diphu Manja KCS Zone klembangphu Rajendra Millick, Borlangpher Range Officer Barithe Teron, thanbang Praffula Kumar Mahanta, Kehai Terang, SPKL chunbang Johny Timung, VDC chairman barim Dhonsing Kramsa, VDC chairman barim Bidyasing Hanse, Hemari Terang, Kehai Hanse atum pen chenglok kaprek-kaprek man kedo atum chetong dun.
Mai along HSLC pen chengsi HSSLC, BA, MA angdeng asatlang ki-un tang atum aphan archosi mai ingsamjin pachekak lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives