ADVERTISEMENT

This area is available for advertisement. Please contact for details.

Arnivang
Get Adobe Flash player

Inter-state bus terminus kikimji pu CEM kejong alongle netum pek thekthe: 5 mile Rongbang Timung arong arat

A correspondent
Diphu, Vosik 20:
Atumi KASA stadium conference hall along CEM Tuliram Ronghang Diphu ahithi kapachingthurji aphan saideng kejong Recreation Park adung 5 mile along inter-state bus terminus (ISBT) kaselamji aphan pangdak. Labangso terminus kikimji pu CEM kejong alongle ke rong asar aphan kapanongpi alongle. SGB Kt. Rongbang Timung kedobom ahut Assam Plantation Crops Development Corporation Limited (APDC Ltd) aphan coffee nursery ke-ehji aphan pu malomso aphansi longle kepek chot. Non abangke bangso a saikam jutkok (defunct) asonlo, lasi laso alongle rong aratsi kachelong nangji aron do lapen labangso alongle alamki pen inut bang hini abangphu atum pen ta rong arat chesongsi halatum arideng pen pajok lo. Halaso ahut police pen KAAC atum thangta nangrap dunde pusi Rongbang Timung arat akoi pi. Ahokpet alam abangke Rongbang Timung arong arat Karbi Anglong Autonomous Council (KAAC) aphan batai koansi longle kepek jilangma. Kedamtang ahut Assam Rifles Training Centre, Sports Complex, Hemphu Ashram, Vophong Rongker Adovan lapen UPDS Designated Camp ta pek lo. Long pho alongle ta Timung arong arat alonglesi kepek lo. Lasi non aphongke Rongbang Timung arat atum labangso a saideng aphan longle pek un ehlo athe labangso alongle along Karbi rongsopi kikimji aphansi rat pen cheparai pusi 5 mile Rongbang Timung arong arat birta pachetak.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives