ADVERTISEMENT

This area is available for advertisement. Please contact for details.

Arnivang
Get Adobe Flash player

Black topping atovar selam det aphi chiklo jon ni plengple, tovar kaheno

Our Correspondent
Diphu, Thekar, Vosik 20:
  Diphu Town Committee kaparlo ward No. 4/11 angkang Rongchingbar kedongput Rongcheklang pen Chirikangnep adak Km 2 black topping atovar PWD pen selam lo, seta tovar kaselam ke-oi pik ajoine chiklo jon ni plengple lang tovar heno et.
Tovar kaheno et pu rat atum kapachini ateng pherangke atum adim along humri dam lo. Laso ahut kethek long atengke tovar ki-ik kali arlong, inghansi klangsak anpin lo. Non barla arve kejang ahut ke damsi un e, birta kelong ateng pulote laso atovar close tender pensi kapaklem, anparta laso atovar amen pen kedamtang arni Sika lakh 20 running bill pathesi cho-en etlo lapen non kelongji kedolang atangka mate a bill ta selam bom lo, seta a black topping atovar kaselam amo kevangve pik ajoine rat atum kacheleng ning ingsamse det lo. Laso atovar contractor Ka-et Derapi lapen kelang arpu PWD SO Nokul Mili pusi birta long.
Pinpurme CEM Tuliram Ronghang rat amaipi along kejai atengke asai chok limle lapen amo vangve pulote bill mate atangka amatsi pipe athe BJP ratpangri ke chopanglim lapen aronre asai kapavirji aphansi kemang lapen kabor-i do. Sonsi Karbi Anglong angkang tovar pen chenglok dolong heihui anta mesen pensi sai amo paklemji lapen kachingthur amo ta rong atok ano anta pachetang etji pusi rat angno chak lo. Lasi CEM kaningje alam chak pen papleng unji ma pusi kacheroktok arat atum arju.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives