ADVERTISEMENT

This area is available for advertisement. Please contact for details.

Arnivang
Get Adobe Flash player

Birla along phak-ok, broiler kangthan a oksak ke aningkan ningkanta chamche

Our Correspondent
Den Arong, Thekar, Vosik 20:
Diphu Town Committee kaparlo Birla ahithi along ok kejor atum kasa-ur thektik, arnivang ok kangthan-i a oksak ke chamche lapen ajo ta lapu kibi kok titi ajok kali-kalang a methan atum pachonglek lo.
Jopangthang methang kanglek a oksak alongsi adap puthot ok ingthan thuphit lasonsi do. Jopangthang kanglek amethan ajon tin ke ingthir et kali ajahak amethang ke keso kedo amethan ta thek. Laso ajoine ok kachonam dam atum kaphere meme akeso kelongji aphan angring thetan khangjang.
Lasi madu amunit atumle birla ahithi angkang ok kejor adim damlote a oksak amokha thek damlongji. Lahai a oksak amokha ajo nerlota kangthan adim along amatsi bitekangrui. Lahai a ok ingthan-jortang det pen kaita chirim tekangkesi aphijong lote methan atum kanglek kekor chithi-chithisi thek dam long.
Methan pulote methan keme, methan ingcham tado, lasi lahai a oksak amokha ke kaita methan angkroi pensi kecham ason lo. Lahai ajok monit atum a ok apran aphan kemesen kalidet asonsi thek long. Kachonam atum anchot kali, ok kejorvek atum amatta a ok hem chepon chodam lo. Lasi ajahak kacheroktok arat atum pen kapangthir et pen kejorji anparta lapuson methan kapanglek rip longle detji aphan choningri.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives