ADVERTISEMENT

This area is available for advertisement. Please contact for details.

Arnivang
Get Adobe Flash player

APCU pen Kalaguru Bishnu Prasad Rabha kithi arni kachikimo

Staff Reporter,
Diphu, Thekar, Vosik 20:
Assam Press Correspondent Union atum patirpisi pini Diphu Lorulangso Rangsina Sarpo Auditorium Hall along ingdeng 50 Bishnu Prasad Rabha kithi arni chikimo dun.
Laso kachikimo ajaimek along kaprek-kaprek ahirbang atum Bishnu Prasad Rabha aphuthak lapen alangli pen kacherap lok asai aphuthak hirjir chihir rinti.
APCU ameiphu Monoj Singh kachepahemphu amai along APCU Karbi Anglong aro chunbang mai kepha alamthe lapen alohi kapachini apor en. Mai along alohi aman pen Hemphu Mukrang Adorbar ameiphu Lunse Timung pen chenglok APCU tiri ajabang anparta JAFA state Committee ameiphu Longsing Teron, District Press Club of Karbi Anglong sankur chunbang Danielson Bey, Pratidin Time a pherangke Sonju Bora, tokbang Joysing Tokbi atum pen chenglok penang an man-peng kedo atum chetong dun.
HMA ameiphu Lunse Timung aphansi mai pangpu toi lo, laso ahut alangli Bishnu Prasad Rabha keklem kedam alam pen chenglok penang Bishnu Prasad Rabha akai alomo thansi mai ingpu lo.
Laso aphi mai along kachetong dun alohi atum pen Bishnu Prasad Rabha akai alamo pen pacherapsi pherangke atum keklem kedam nangji lapen pherangke atum kachepindeng nangji a ot adur aphuthak than pajirmi lo.
Mai along ingdeng 50 Bishnu Prasad Rabha kithi arni kachikimo amen pen bang kethom tokbang pen journalism ahin keklem kachepaduk abangphu atum aphan archo lo. Laso ahut JAFA state ameiphu Thekar chapbang Longsing Teron, Tokbang Joysing Tokbi, Pratidin Time a pherangke Sonju Bora atum aphan man-pengsi pisi mai along archo lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives