ADVERTISEMENT

This area is available for advertisement. Please contact for details.

Arnivang
Get Adobe Flash player

Minister Dr. Himata Biswa Sharma aphan kapanong apinpur aloh KFA atum KAAC PS arideng kapajir

A Correspondent,
Diphu, Thekar, Vosik 14:
Karbi Farmers Association (KFA) asong pen Assam PWD Minister Dr. Himanta Biswa Sharma aphan kapanong apinpur aloh pini anerlo apor Karbi Anglong Autonomous Council (KAAC) Principal Secretary Mahadanda Hazarika, IAS arideng pajir dam.
KFA atum pinpur aloh along kejong dun ke, Assam Road Maintenance Fund (ARMF) Scheme pen PWD Barpathar Rds Division atum sai kedeng Sika kuti 10 atangka kapalim det ajok  PWD Barpathar Rds Division angkang arat tovar kacheleng move penang an aksiung dolo.
Lasi Karbi Anglong Autonomous Council (KAAC) CEM, EM atum pen kelang dun parsikse det ajoksi lapuson Sika kuti 10 atangka panglim longlo pusi KFA asong jong. Lasi kuti 10 atangka kecho det atum aphan Executive Engineer Ajit Kumar Das pen contractor  Bhaskar Barua, M/S Sunrise Associated, Horen Ch. Borua, Amrit Ch.Das, M/s Bravary, Swarmal Agarwala atum aphan prapjin pen ritarlipsi adai en nangji puta pinpur aloh along jong dun.
Laso aphuthak KAAC CEM, EM, MAC atum pen PWD asaikam PWD Barpathar Rds Division along Sika kuti 10 atangka kapanglimdet atum aphan prapjin pen ingsaise pulote Karbi Farmers Association kevangji aprang sodak pen kachesongji aphan chisik ding lo puta pinpur aloh along KFA atum jong dun.
Meiphu Avinash Ronghang pen sankur chunbang Amarjit Timung atum atum jalinsi pini Assam minister Dr. Himanta Biswa Sharma aphan kapanong apinpur aloh KAAC Principal Secretary arideng pajir dam lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives