ADVERTISEMENT

This area is available for advertisement. Please contact for details.

Arnivang
Get Adobe Flash player

KSYC Hanjanglangso Area Council ingdeng 6 mahang kethek katalon

Our Correspondent
Diphu, Thekar, Vosik 14:
Karbi Students Youth Council (KSYC) Hanjanglangso Area Council mahang kethek arni katalon. Laso katalon along HSLC pen HSSLC satlang ki-un atum aphanta archo.
KSYC Hanjanglangso Area Council ameiphu Trison Lekthe kachepahemphu amai along sankur chunbang Janta Rongpi alohi pachini lapen mai kepha alamthe jai. Mai along KSYC CEC ameiphu Prakash Terang, sankur chunbang Bipul Tisso, dihin chunbang Borsing Kro, saihem chunbang Bohiram Inghi lapen Bokajan Area Council meiphu Phubong Timung, chunbang Rupsing Tokbi atum pen chenglok kaprek-kaprek man kedo abangphu-phi atum chetong dun.
Mei along KSYC ameiphu Prakash Terang kejai ke, ‘pini lason HS, HSLC satlang ki-un atum aphan karcho thek ke kemesen angthek lapen KSYC Hanjanglangso Area Council ningkan 6 mahang kethek katalon long ke kemesen asai lo.
Sankur chunbang Bipul Tisso kejai ke, ‘kevangji aprang ta keklem-kedam la-an sose chepaduk nangpo lapen khei anparta charli osomar atum along kisung ahut kacherap dun kenangsot do lo.
Mai along kachetong dun KSYC keklem-kedam kemesenji aphan kachoro lapen pini HS, HSLC ki-un atum aphan bang 40 sose kacharli osomar atum aphan archosi ingsamjin pen ingdeng 6 mahang kethek katalon amai pachun lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives