ADVERTISEMENT

This area is available for advertisement. Please contact for details.

Arnivang
Get Adobe Flash player

Dumper truck pen bike kachetong, inut ahir ingtangrak areng keso

Our Correspondent,
Den Arong, Thekar, Vosik 14:
Dokmoka Police Station angkang Dokmoka Banre English School athengno speed breaker along dumper a truck pen CBZ aki-ik a bike kachetong.
Birta kelong dun atengke Kampur asor Munus Teron abang angjirpi ahem sekarkliji aphan hanve ejon akenangsot pu ajoksi Ampukhuri an vangsi nang thonlo. Laso aphi arnikangsam porphai 3:40 apor malomsi hem kachedamji pu ahutsi bangso pho lo. Bangso a school athengno gari kapanglenji aphan pura speed breaker along Munus Teron (35) CBZ AS 01 A 6907 kapanglen un ahutsi dumper a truck kapachat ajoksi patong tekang phit amat katjuilo.
Munus Teron ajirpo Tingku Bordoloi alanglisi Dokmoka Primary Health Centre along ponsi seh lang dam lo. Dokmoka PHC along lang un-eh pu ajok areng keso Monus Teron aphan Guwahati an pachepon toilo pusi birta rip dun long. Non amat Dokmoka police atum kekatjui dumper a truck aphan ritarlip bom lang.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives