ADVERTISEMENT

This area is available for advertisement. Please contact for details.

Arnivang
Get Adobe Flash player

Sarlep A.I Kathar NEET along phant 99.43, AIIMS along phant 96.85 longsi phurkimo kaselam

Special Source,
Diphu, Thekar, Vosik 13:
NEET satlang along phant 99.43 lapen AIIMS asatlang along phant 96.85 longsi West Karbi Anglong ahempi Hamren ariso Sarlep A.I Kathar Karbi Anglong arlo isi kemesen aphurkimo selam lo.
Hamren ahithi along kedo Birton Ingti Kathar pen Ann. H Rengma atum asopo higher secondary charli patangdet aphi kangtui angdeng kacharli dun longji aphan pusi NEET pen AIIMS along entrance satlang tok dun lo. Laso along alangli kethekser ajoine NEET satlang along phant 99.43 lapen AIIMS asatlang along phant 96.85 an longsi satlang un dun lo. All India angkang angbong rank 43 an le dun lo. Karbi Anglong district hini entrance asatlang along lapuson angthek keme pen ki-un dun pu non amat alangli anchot lang.
Alangli mesen aphant pen entrance satlang ki-un dun thek pen Assam aphanta nongme kevan thek apot pini Kamrup Guwahati along Inspector of Schools pen Sarlep A. I Kathar aphan archo lo pusi birta rip dun long.
Mesen aphant pen entrance satlang un pen Guwahati along archo set puke alangli hen lo, lasi alangli Karbi Anglong district hini aphan isi kemesen aphurkimosi selam tekang det lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives