ADVERTISEMENT

This area is available for advertisement. Please contact for details.

Arnivang
Get Adobe Flash player

Rupsing Teron arideng pen SHG atum aphan kapangreng api pen hormu keron

A Correspondent,
Hamren, Thekar, Vosik 13:
Atumidik Vosik 11 arni Hamren Fishery Training Hall along kapangreng api jasemet vokak pen vo heihui hem along kapangreng pen ingti, manthu, sang kachonam vong aphan thedung akerap do pu alamthe Phuloni Duck Farm a Manager Dr. Loni Dutta Self Help Group atum aphan seke along than.
Rong along vokak pen vo kachopangreng ale pen apar puthot sonthan aron pen kapangreng pen voti aphai pabat un anparta vo a-ok alin ta pabat thek. Laso along SHG 50 pen kachetong dun so arlo atum aphan Dr. Loni Dutta pen chenglok Hamren ratpangri poultry farm a Manager Dr M.S Baruah, Hamren SDVO Dr G. Doley atum pen penang-an alam seke along than paklar lo.
Bangso amai kibi along Hamren Ratpangri Poultry Farm along pen vokak jon-500, kapangreng avo jong-250 an SHG atum aphan KAAC EM Rupsing Teron arideng pen pajir dun. Bangso amai along Handloom pen Textiles pen bang-7 abangphi atum aphan therank pen choklim ahormu Handloom & Textiles a Superintendent Mensing Bey arideng pen ron.
Pini bangso amai along Hamren along kedo Hamren Town Committee dun meiphu Headsing Rongphar, KAAC Board Chairman barim Krishna Prasad Sarma, SDFO Chatra Pator anparta BJP a klembang atum ongdung chetong dun.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives