ADVERTISEMENT

This area is available for advertisement. Please contact for details.

Arnivang
Get Adobe Flash player

KFA atum akejoi pen ku keron

A Correspondent,
Diphu, Thekar, Vosik 13:
Karbi Farmers Association (KFA) pen sai katiki arat kapachihungji pu akemang pini Vosik 13 arni Geeta Ashram Sonsing Timung L.P School along sai katiki arat atum aphan akejoi pen kuh ron dam.
KFA ameiphu Tingku Ingti kachepahemphu ku keron amai along KFA sankur chunbang Soronsing Rongpi pen chenglok ongdung song klembangphu-phi atum chetong dun. Laso along penang an sai katiki aphuthak meiphu Tingku Ingti pen-pen sai kachotiki arat atum aphan than pachini tekang.
Sai katiki ahin kapachihungji lapen sai katiki arat atumta kapachingthur dun thekji aphan pu akemang pen Karbi Farmers Association kaike ta sai klem bom lo. Laso keklem bom angthek kedamtang penang arni lapuson sai katiki arat atum sai kachotiki ahut kenangsot ahormu heihui rat atum aphan ron bom lo. Lasonsi Geeta Ashram ahavar kedo sai kachotiki arat atum aphanta lapuson ason-ason akerap kipi dun bomji aphan meiphu Tingku Ingti chechak tekang.
Sankur chunbang Soronsing Rongpi penta kevangji aprang ko-anma ili Karbi arat atum sai katiki pen kaprek adim along antame nongme kevang dun thekji aphan bor-i nangpo pusi ku keron amai along jai.
Non akai along kerengji lapen kecho longji aphan ke sai keklem penta chingthur un puta dun meiphu Robinson Teron jai. Bangso along KFA klembangphu Raj Teron, Harsing Rongpi, Chisong Singnar lapen Robinson Rongphar atum chetong dun.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives