ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 68 KAAC mahang kethek katalon dunji adim Mongalsing Timung kahumri dam

Our Correspondent,
Kheroni, Thekar, Vosik 13:
Karbi Anglong Autonomous Council amahang kethek arni apharman non dode sangse KAAC EM Mongalsing Timung kachisik.
Kevangji Vosik 23 arni ason-ason asaimo pen West Karbi Anglong Dongkamukam along Ingdeng 68 KAAC amahang kethek arni katalonji aphan chisik-chedang bom lo.
Bangso ajok pini KAAC CEM Tuliram Ronghang kapinkhat ateng EM Mongalsing Timung, Dongkamukam Town Committee Chairman Telishram Ronghang, ward commissioner do-an, Hamren VDC chairman Sarsing Phangcho atum chenglok kaprek-kaprek atum Dongkamukam damsi katalon adim lang charisi patini tekang.
Pinpurme, kedamtang aningkan anke KAAC amahang kethek arni Diphu, Hamren mate Karbi Anglong arlo kedo ajahak ratpangri asaihem alongsi katalon thek long chot seta pining aningkan pen ke Karbi Anglong pen West Karbi Anglong district hini apharmanta elongvet West Karbi Anglong Dongkamukam alongsi Ingdeng 68 KAAC mahang kethek arni katalonji aphan sikdang bom lo pusi EM Mongalsing Timung pherangke atum aphan pachini.
Laso katalon along arni nerloseni Dongkamukam angkang kachingthur asai amo keklem do anta ingpuji lapen KAAC amahang kethek katalon along state a minister pen BJP ajabang atumta nang kachetong dunji angring do puta EM Mongalsing Timung pachini. Karbi Anglong kedo-an kethe-kiding atum anta bangso asaimo mesen kapachun pameji thekji aphan kacherap-kacheto dunji aphanta alangli choningri.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives