ADVERTISEMENT

This area is available for advertisement. Please contact for details.

Arnivang
Get Adobe Flash player

CRPF Inter Battalion Badminton kapathu kapajut

Staff Reporter,
Diphu, Thekar, Vosik 13:
Jorhat Sector kaparlo Central Reserve Police Force atum angbong Inter Battalion Badminton kapathu atumi Vosik niphai 12 arni angdung kiti kapathu.
Kedamtang Vosik 10 arni pen kapangcheng Inter Battalion Badminton kapathu atumi Vosik 12 arni angdung kiti pathusi kapathu pajut lo.
Atumi kapajut arni angdung kiti kapathu ahut bang hini-bang hini kapathu along 20Bn pen 68 Bn atum angbong chedan lo. Lapupu inut-nut kapathu along 30Bn pen 119Bn atum angbong angdung kiti pathu lo.
Laso ateng bang hini-hini kapathu along 20 Bn pen inut-nut kapathu along 30Bn atumsi angdung kiti hai lo.
Kapathu ahinta la-an sose kapaprang dun thekji aphan pu akemang pen 20Bn CRPF aboha Birla Plywood Factory Diphu along Inter Battalion Badminton kapathu paman lo.
Angdung kiti kapathu along alohi sarpo aman pen RD Jeany Anal lapen kaprek-kaprek unit saiphu lapen saikhi atum ahem asor atumta laso angdung kiti kapathu along lang dun pusi 20Bn CRPF Commandant birta nang pale.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives