ADVERTISEMENT

This area is available for advertisement. Please contact for details.

Arnivang
Get Adobe Flash player

Ari kachingrungtang Karbi Bangasena Committee atum aphan KAAC longle kepek

Special Source:
Diphu, Thekar, Vosik 13:
Karbi Anglong Autonomous Council pen ari kachingrungtang Karbi Bangasena Committee atum aphan longle kepek.
KAAC Order No.KAAC/Rev-1138/2016/558 Dated  01/11/17 ateng pen  ari kachingrung tang Karbi Bangsena Committee along kedo atum an aphan inut pen chiri 10 along pek etlo.
KAAC pen longle pek det aphi konat ahavarsi alanglitum aphan kapadoji mate kepekji aphan KAAC Revenue asaikam atum aphan palang toi bom lo.
Ari kachingrungtang Karbi Banga Sena atum kerengji aphan kapachoklem chodamji anparta kedo kethakji aphansi inut pen chiri kep alongle pek lo pusi birta long dun.
Longle kapari toi ateng Revenue asaikam asaikhi ASO, SK lapen kaprek-kaprek asaikhi atum Dhansiri ahavar malom longle kepekji aphansi lang bom lo lapen kepekji aphan sikdang patang et lo puta birta rip dun long.
Pinpurme, ningkan hini kethom aprang J.I Kathar IAS (Retd) chingki chethan pidunsi bang 52 Karbi Bangasena atum Karbi Anglong a Deputy Commissioner athengno ari chingrung lo. Komatne a Bangali kachongthui along lahai Karbi atum lu dunsi Bangsena along lut dun chok lo seta aphi akaheno alam chichinisi ratpangri athengno ari chingrung lo pusi alanglitum ari kachingrungsi ahut chethan.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives