ADVERTISEMENT

This area is available for advertisement. Please contact for details.

Arnivang
Get Adobe Flash player

Mahamaya Constituency BJP atum kirui thu amai along vote kelong ke-ongnai PS atum nong-eh kipi

A Correspondent,
Diphu, Thekar, Vosik 12:
Pini Vosik 12 arni anerlo porphai 11:30 apor malom pen 15 Mahamaya Constituency Bharatiya Jañata Party (BJP) atum kirui amai mate kilik jutdet aphi konat polling station along ko-ansi vote kelong kachelakha amai kangni.
Dokmoka Longkam Teron Auditorium hall along kangni amai BJP Samelangso block  mandal a chunbang Babu Tisso si chari lo. Mai along alohi sarpo aman pen KAAC EM Lunsing Teron chetong dun. Man-peng alohi aman pen VDC chairman Harsing Ingleng, Dokmoka Town Committee chairman Birensing Teron, BJP state counsellor Orson Rongpi lapen VDC chairman barim Longsing Tokbi pen chenglok kaprek-kaprek man kedo atum chetong dun.
2019 Lok Sabha kilik ahut No. 3 Diphu ST Parliamentary Constituency BJP asong kachetoi dun MP Horensing Bey si ongdung a vote pen 15 Mahamaya Constituency along ta hai pame lo. Laso akilik haidet aphi koso lapen kodak a polling station alongsi ko-an a votesi kelongma kachelakhaji aphansi pini amai pangni.
Laso ateng Mondal Committee, Local Committee lapen BJP along kacherap dun abangphu-phi do-an atum aphan KAAC EM Lunsing Teron mai along choro lo. Mahamaya Constituency angkang kedo polling station 31 along kachari mate kachepaduk dun abangphu/phi atum aphan manpisi Karbi apoho pen archo lo. Laso ahut kehai aphai ke-ongnai Ultar Borbil L/W atum aphan tangka Sika 10,000, adunthu kehai aphai Ultar Borbil R/W P/S aphan tangka Sika 5000 lapen kethom angdeng Higher Secondary School P/S atum aphan tangka Sika 3000 anong-eh KAAC EM Lunsing Teron pajir lo.
Alangli kejai tekang ke, ‘non adihu MP kilik along nangcherap nangcheto dun asonthak-thak non eprang kevangji arni MLA, MAC kilik along tame nang cherap nangcheto dun thubom pen non ansose BJP ajakong pathe pen longri arlo kachingthur lapen kapaprang asai heihui keklem long bomji klem lonong’.
Isi baidut alamthe non kevangji MLA kilik ahut kehai aphai ke-ongnai atum aphan tangka Lakh-1 pajirji puta alangli chak tekang.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives