ADVERTISEMENT

This area is available for advertisement. Please contact for details.

Arnivang
Get Adobe Flash player

Longhong kapangreng aphuthak SBI atum pen SHG atum aphan seke kipi

A Correspondent,
Langhin, Thekar, Vosik 12:
State Bank of India pen pini Vosik 12 arni Langhin pen Jaipong ahavar kedo SHG atum aphan longhong kapangreng aphuthak seke kipi.
Porphai 11 apor pen kapangcheng a seke along Director Guluck Ch. Boro si longhong kapangreng aphuthak seke pi lo. Jaipong Model English ME School along SHG atum aphan seke kipi asai along chopha alohi aman pen Dr. Roton Ronghang lapen Langsomepi Block ASRLMS Block Mission Management Unit pen Budheswar Hanse atumta chetong dunsi kosonsi longhong kapangreng nangji lapen longhong kapangreng pen ko-an ale longji anparta kosonsi kelongji aphuthak SHG atum aphan than paklar lo.
Pini akejoi pen seke kipi along Jaipong SHG, Serdihun SHG, Rongphong SHG, Ovechingri SHG, Rukasen SHG, Monjir SHG, Malin SHG lapen kaprek-kaprek society atum seke en dun.
Seke kipi along SBI pen loan kipiji alam heihui ta SHG atum aphan pachini tekang.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives