ADVERTISEMENT

This area is available for advertisement. Please contact for details.

Arnivang
Get Adobe Flash player

Rongnogor along Jambili Athon kangthum

Our Correspondent
Diphu, Thekar, Vosik 10:
Atumi Vosik 9 adap porphai 7 apor pen Singhason angkang Longsarsing Ingti arong klengdun klengsarpo atum pen chenglok riso-okorjang rong asar, duhuidi-duhuijang atum alir-alon pen jambili athon kangthum kedeng.
Saimo ateng Longsarsing Ingti kachepahemphu amai along Mohendra Ingti mai kepha lapen alohi kapachini apor en. Mai along KAAC EM Amarsing Tisso, KAAC Secretary Nirola Phangchopi-ACS, Mouzadar Doloi Terang, SGB Lipson Ingti pen Amar Ingti, KLA chunbang Kamsing Hanse, KEA tiri klembangphu Joysing Teron pen chenglok ongdung man kedo abangphu-phi atum chetong dun.
KCS Singhason aro ameiphu Jiten Ronghang Jambili Athon keplang alam ketok along pen porhisi mai along than pajirmi lo. Alohi sarpo aman pen kachetong dun EM Amarsing Tisso kejai ke, jongsi jambili athon erong along ehong ave pulote rongkangthim mate rongmarjong chepu un-eh. Lasi alangli pen un-an ke jambili athon kesoi-keret along cherap dun po pusi chechak tekang.
Pinpurme pini jambili athon kangthum along rong ingkoi sose rong asar atum chetong dunsi mai ardi pidun lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives