ADVERTISEMENT

This area is available for advertisement. Please contact for details.

Arnivang
Get Adobe Flash player

State ratpangri atum KAAC ajakong kanghu bom aphuthak khamkhe nangpo: KSA

Staff Reporter,
Diphu, Thekar, Vosik 9:
India angkang along isi keban nai a District Karbi Anglong arlo Karbi pen chenglok Dimasa lapen kaprek kaprek inglong aso khei barim atum aphan keraikomji aphan India a det kachari aron aloh along sixth schedule pu isi keprek chet kachari aron tame nangthik pilo.
Laso ajakong penta khei kacheraikomji aphan akedorde kedokok ajoine hemprek apharman chesong lo, laso kachesong angthek non amat hemprek longle lang seta jakong kapabatji aphan pusi MoU, MoS alamdon chetok nangkok lo. Lason ahut isi kamanghu meme alam ke, District kaselam ahut pen KAAC along nang kidun ajakong anta aphi-ong ave ong lo.  TET amen pen inglong aso loh kethek a okkarjang atum a an van kithi, online payment pu amen KAAC a chokamar atum aphan KAAC pen bainong kachipiji ajakong anta state ratpangri atum pen nangthi et lo pusi KSA ameiphu Suren Hanse lapen sankur chunbang Jemson Timung atum birta pangdak.
State ratpangri atum lapuson Karbi Anglong Autonomous Council ajakong nang kithi long bom ke ladak Karbi Anglong Autonomous Council kachari atum kethekthe ajoine lo puta Karbi Students Association ameiphu  Suren Hanse apen sankur chunbang Jemson Timung atum jong.
TET asatlang ke-en ajakong lapen online bainong kipi ajakong tame Karbi Anglong Autonomous Council alongsi do nangji puta Karbi Students Association atum jong pusi KSA ameiphu Suren Hanse lapen sankur chunbang Jemson Timung atum birta pachetak.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives