ADVERTISEMENT

This area is available for advertisement. Please contact for details.

Arnivang
Get Adobe Flash player

Paklongklam along HSLC pen HSSLC ki-un charli osomar aphan karcho

Our Correspondent,
Langsoli-et, Thekar, Vosik 9:
KSYC Paklangso Area Council, USUKA Paklangso Branch lapen Paklangso Sports Association atum chelangpet atumi Vosik 8 arni Paklongklam Genius Academy along nonhetjong HSLC lapen HSSLC satlang kachepa-un dun charli osomar atum aphan karcho.
Karcho mai along alohi sarpo aman KSYC ameiphu Prakash Terang chetong dun, non akaike loh kacharli ta kachebai apor lasi ST(H) Qouta do puke chiki nangne lo. College, University kedun longji aphan satlang ki-un aphant chepamesen nangji. Lasi charli pamesi mesen pen chepa-un nangji. Mo kevangji aningkan abangke Paklangso ahavar along pen 1st division letter, distinction chepalong pen satlang ki-un abang do pulote Sika 5000 a tangka piji pusi KSYC ameiphu Prakash Terang lamthe kejai ahut chak tekang.
USUKA ameiphu Bibison Teron, KSYC sankur chunbang Bipul Tisso, Paklangso LAMPS chunbang Biren Sing Taro, rat sai klembang Prodip Rongpi, Paklangso Sports Association a chunbang Robinson Rongpi atum pen chenglok Sarmindar Terang, Burasing Inghi lapen kaprek kaprek man kedo atum mai along chetong dun.
Laso ahut nongnam aloh lapen kachari ahut kenangsot ahormu heihui pensi satlang ki-un charli osomar atum aphan archo lo.

Leave a Reply

Your email address will not be published. Required fields are marked *

June 2019
M T W T F S S
« May    
 12
3456789
10111213141516
17181920212223
24252627282930
Archives