ADVERTISEMENT

This area is available for advertisement. Please contact for details.

Arnivang
Get Adobe Flash player

Longdang Tokbi arong along kechengsi aphong lunkan amalin kapaman

Our Correspondent
Diphu, Thekar, Aru 27:
Duar Amla Constituency arlo kedamtang Aru 26 arni Longdang Tokbi arong along Chandra Terang lapen alangli risangho atum chelangpet patirpisi kapaphihup arong mate inglong angbong arong along kedo ariso-okorjang aphan kapacheroktokji aphan pu akemang pen kachengsi aphong lunkan amalin paman lo. Saimo ateng adap porphai 8 apor pen Longdang Tokbi arong along kedo Ove Chingthur Asong alama ingthur lo. Bangso pen aphi kethurmi a ove atum aphan ason-ason pachepatesi arnikangsam porphai 6 apor pen nong eh kapajir amai pangni lo. Bangso amai along Ove Chingthur ameiphu Romen Tokbi kachepahemphu mai along alohi sarpo aman Board Chairman barim Lipson Bey chetong dun, anparta Vothatlangso KCS Zone sankur chunbang Dhoniram Bey, Vothatlangso KCS Zone chunbang barim Rajen Ronghang atum pen chenglok ongdung man kedo atum chetong dun.
Lunkan arong aje long Board Chairman barim Lipson Bey pen penang an ove kimi atum aphan bidi-sore pi tekangsi lunkan ta ingpu tekang lo. Laso lunkan amalin along havar kedo kaprek-kaprek arong arisomar-okorjang atum ongdung chetong dunsi kilun-kekan along chepate dun pusi Ove Chingthur ameiphu pherangke aphan birta pachini.

Leave a Reply

Your email address will not be published. Required fields are marked *

May 2019
M T W T F S S
« Apr   Jun »
 12345
6789101112
13141516171819
20212223242526
2728293031  
Archives