ADVERTISEMENT

This area is available for advertisement. Please contact for details.

Arnivang
Get Adobe Flash player

Tovar kave det adim along dolong kedon rong ajoine rong arat kapasimu

A Correspondent,
Dillai, Thekar, Aru 20:
Karbi Anglong Autonomous Council a chairman Longki Timung amethang a constituency kapachingthurji aphan pura Borjan ahavar along penang sai klem lo, seta ningduk meme alam ke sai keklempi mate contractor atum keklempi pameme det ajok keklem an asai ta mesen ave det asonsi thek long. Rongpi rong thom arong, Monsing Ingti arong, Monsing Bey arong lapen Jamindar Inghi arong asor atum Dillai ahithi nang kapale kejoikeji aphan pusi Dillai alangroi athak dolong don lo seta keklem kemesen kalidet arlong pen arei along kibui kalidet ajoine ingrailapsi rong pli arat atum kengset atovar chehelat longlesi along kaprek anat pen nang pakeksi Dillai ahithi an nang pale nang kok lo. Lasi bangso adolong kaselam thu pame pen rong arat atum aphan pachelong pameji aphan arong asor choningri. Ratpangri pen nangpiji setame nang klempi pame nangji, la-ansi netum rong asor ta chodeng ning ingsamji pusi rong arat ningje rinti. Dolong dolo setame tovar kave det ajoine akekek anat pensi kedam nanglo athe bangso adolong ke lang kethe kevang ahut ingrai lap lo lapen chinghanglaplo. Dolong ke don lo setame tovar kave det ajoine dolong do setame rat aphan ale ave det lo.

Leave a Reply

Your email address will not be published. Required fields are marked *

May 2019
M T W T F S S
« Apr   Jun »
 12345
6789101112
13141516171819
20212223242526
2728293031  
Archives