ADVERTISEMENT

This area is available for advertisement. Please contact for details.

Arnivang
Get Adobe Flash player

Shillong Karbi Loh Charli Asong arpu kimi atum aphan seme kapadeng

A Correspondent,
Diphu, Thekar, Aru 20: Atumi Aru 19 arni Shillong along kedo Karbi Hemtun along Shillong Karbi Loh Charli Asong akimi arpu kedeng atum aphan seme kapadeng amai pangni.
Teddyson Kramsa kachepahemphu amai along kedamtang song kachari mate abarim atum pen akimi atum aphan arpu chipi (handover) lo. Laso amai along sankur chunbang barim Rangsina Inghi pen chenglok kaprek-kaprek klembangphu-phi barim atum kachetong dun amai along akimi atum aphan seme padeng lo. Akimi atum song kachar pameji lapen Shillong along loh kacharli bom a osomar atum akisung-keboi along kacherap kacheto dunji aphan lamthe chipisi seme deng lo. Seme kedeng meiphu Bingson Teron pangchengsi sankur chunbang Thomas Bey lapen inut-inut seme deng dun lo.
Akimi SKLCA asong kachariji aphan pu arpu kedeng akimi abangphu-phi atum aphan meiphu barim than pare tekang lapen kevangji aphan keklem-kedam nangji aron heihui aphan bidi-sore pi tekang lo.
Karbi akhei ariso-okorjang atum nahok le do tame methang ajutang-jubat lapen pindeng-sumpot kacheraikomji aphan klem dam nangji puta alangli than-pare tekang. La-an chot kali charli osomar atum ladak kedo charli osomar atum mesen loh kacharliji aphanta alangli than pare tekang.
Shillong Karbi Loh Charli Asong akimi arpu kedeng atum meiphu Bingson Teron, dun meiphu Johnson Ingti, sankur chunbang Thomas Bey, rap sankur chunbang Bordili Terang, dihin rimbang Cleanfree Hanse, pachethang chunbang Hinchong Hanse, pathu chunbang Franklin Tisso, kapathu rap chunbang Chesong Bey, jutang chunbang Sarchelon Rongpi, jutang rap chunbang Nonglin Tissopi, jutang chunbang Floriqueen Ingjaipi, lamsai chunbang Hermest Kramsa, lamsai rap chunbang Martin Bey lapen saihem chunbang Rukasen Ronghang pusi Shillong Karbi Loh Charli Asong pachethang chunbang Hinchong Hanse birta nang pale.

Leave a Reply

Your email address will not be published. Required fields are marked *

May 2019
M T W T F S S
« Apr   Jun »
 12345
6789101112
13141516171819
20212223242526
2728293031  
Archives