ADVERTISEMENT

This area is available for advertisement. Please contact for details.

Arnivang
Get Adobe Flash player

Dillai along kedo PHE WSS ningkan 35 plengdet aphita rat atum lang longle

A Correspondent,
Dillai, Thekar, Aru 20:
Kedamtang ningkan 1984 aningkan Council atum pen Dillai ahavar along kedo arat atum aphan mesen alang kipiji aphan pusi PHE WSS asaideng deng lo, seta pining an ningkan 35 plengdet aphita rat atum atum laso asaideng adim pen lang longle lang.
Non apor ke laso adim lang kelongji kalisi saihem, saikhi aboha, tarpangthek, pai, lapen kachiti ahem heihui kikim tang do-anta ingjir et asonsi thek long. Laso asaideng along kapahongji aphan pusi inut khalasi pek lo, alangli ta lang kipi longle ansi achokamar arta jutbin lo.
Longkiram Hanse rong amekar inut abangphu amethang ahem kachikimji aphan kachithik adim rat aphan kamatha mate rat atum kijun alang longji bon pu ajoine chipidet lo seta alangli chipi nak lo, athe laso asaideng along pen pini arni anta rat atum lang jun longle lang. Don 32 sose arat atum PHE WSS alang kijun alongle ajoine rong arlo kedo isi hini a ringwell alongsi lang chosok nang bom lo pusi rong arat atum chethan.

Leave a Reply

Your email address will not be published. Required fields are marked *

May 2019
M T W T F S S
« Apr   Jun »
 12345
6789101112
13141516171819
20212223242526
2728293031  
Archives