ADVERTISEMENT

This area is available for advertisement. Please contact for details.

Arnivang
Get Adobe Flash player

Langkaijan along kithirthip kali seta nang chedo thu bom lo

imageStaff Reporter,
Diphu, Thekar, Aru 13:
Karbi Anglong district lapen Hojai district ahoi Langkaijan ahavar along kedamtang lok sabha kilik aprang Karbi Anglong Autonomous Council atum kapinkhat ateng katharle asai dengsi ongdung ahem pri dam lo.
Laso aphi ajahak atum high court along lamhoi pidam lo, laso ateng court pen stay order pisi katharle asai pen chenglok kado kave asai tame pangton kok lo. HC pen patangkok aphita aronre pen Karbi Anglong Langkaijan ahavar along aronre kedo atum puthot plastic heihui ahem chikimsi nangdo thu lo.
Lahai nang kedothu pu abirta kelong ateng pini Karbi Anglong Autonomous Council a CEM Tuliramg Ronghang lapen arisangho EM, MAC atum pen pen Langkaijan ahavar humri dam lo.
Laso ahut havar along aronre amonit atum puthot hem-rit kachikim bom thek long lo, laso ahut Karbi Anglong Autonomous Council a CEM kapachini tekang ke, ‘nangtumsi court along tame lamhoi kipi dam lo, lasi court pen lamrai pipetik ke laso ahavar along maduta thangta klem longle lapen dolongle lo. Jongsi nangtum do bom pulote court aphan karkan ason mandet po lapen court alam karkan apot nangtum aphan nangnep etpo, lasi nang nepne aprang cheterek etsi keme lo’.
Pinpurme, kithirklong ahem kali puseta plastic ahem, mendu ason hop roi-roi ahem chikimsi edon doni lapusonsi nang do bom thek long. Kedamtang arni aphong aphong Karbi Anglong atum pen Hojai district atum aphan pachinisi longle ahoi kapangthek pameji aphan hang lo. seta aphong aphong Karbi Anglong atum kehang alam Hojai District atum ardi pipe det asonsi thek long. Seta non aronre kedo atum high court along lamhoi pidet aphi ke court pen ahoi patiniji aphan lamtoi pivekpo, laso ateng pulote Karbi Anglong aphan ke isi akemesen alam asonsi plangpo. Athe court atumta chini pame Sixth schedule a district along longle ajakong ke council atum alongsi do pu alam ke, laso ateng komat aphansi council atum kapadoji lapen komat aphansi kapado longle detji ke KAAC atum aning kehang aling lo.

Leave a Reply

Your email address will not be published. Required fields are marked *

May 2019
M T W T F S S
« Apr   Jun »
 12345
6789101112
13141516171819
20212223242526
2728293031  
Archives