ADVERTISEMENT

This area is available for advertisement. Please contact for details.

Arnivang
Get Adobe Flash player

Speaker barim kachevoi ajok Assam Governor ningduk chepaklang

Our Correspondent
Guwahati, Aru 11:
Assam Legislative Assembly speaker barim Seikh Chand Mohammad penang an arjiding keso pen arong kachevoi jui ajok Assam Governor Prof. Jagdish Mukhi ningduk chepaklang.
Prof. Mukhi kaningje ke 1979 lapen 1986 aningkan ahut Assam Legislative Assembly kachari abangphu Seikh Chand Mohammad arong kachevoijui ajok ningduk lo. Anong kachethangklong Seikh Chand Mohammad parliamentary democracy kaparengver ji aphan sai klem chepaduk pik abangphu lo. Assam Legislative Assembly speaker kikhibom ahut assembly along kado kave atum aphan pangrumpet si akangtui atovar anat japon lo. Kedamtang apor ahut alangli ke State along kado kave amuluk atum ase angtong lo. Non ningduk apor ahut ne kamatha ahem asor lapen adon arap atum along si dolo. Ingsamjin pen akarjong chom rongme arnam along kedo dunlongji aphan arnam angno hirjume hang pilo pusi Governor pen pini ningje.

Leave a Reply

Your email address will not be published. Required fields are marked *

May 2019
M T W T F S S
« Apr   Jun »
 12345
6789101112
13141516171819
20212223242526
2728293031  
Archives