ADVERTISEMENT

This area is available for advertisement. Please contact for details.

Arnivang
Get Adobe Flash player

Sarihajan PWD asaihem adung a dolang mentusi kachelarpo?

A Correspondent,
Hanjanglangso, Thekar, Jangmi 28:
Sarupathar MAC constituency angkang Sarihajan right wing kaparlo Sarihajan PWD asaihem adunghet kedo adolong mentusi kachelarjima pusi rat atum cholang prong lo. Non amat rat kacheleng bom adolong kahenopik ajoine bike, auto heihui kekap anta pherememe anpin lo. Lason ahut jongsi komatne keso seh kachelangji aphan tongsekot ambulance kenangkok ahut ke kosonsi laso adolong kateroi mate kekap un poma pusi havar keso kacheroktok arat atum ningje. Lasi Karbi Anglong Autonomous Council kachari kethe-kiding atum bangso adolong nang lang pen kaselam serak kenangsot lo puta havar arat choningri.
Ratchari asong atum kilik aphongtinta rat atum aphan dolong nangselam pipo pusi chechak, seta laso alamchak ke tovar kachepek alamchotsi man lo athe dolong kaselamle det ajoine kaheno kapherememe adolongsi aningkan-ningkan rat atum cheleng nang bom lo.
Dolong kaheno pik ajoine kevangji arni kopene kephoji aphanta thedung angring dolo. Laso ahut loh kacharli aphan arnivang kahelat a osomar atum aphansi phere dun meme lo.
Lasi non kedo bom parivarton ratpangri atum mathasi prapjin pen bangso a dolong ta selamsi arje pachelar nangpo puta havar arat atum pherangke athengno ningje.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives