ADVERTISEMENT

This area is available for advertisement. Please contact for details.

Arnivang
Get Adobe Flash player

Veterinary asaikam pen Hidisajir along World Veterinary Day katalon

Staff Reporter,
Diphu, Thekar, Jangmi 27:
Karbi Anglong arongsopi Diphu ahithi pen Km 7 anbak kahelo Dhansiri angkang Hidisajir along Veterinary asaikam atum patirpisi World Veterinary Day katalon.
‘Ingprim kipum ardi’ pu athepi ensi katalon World Veterinary Day katalon pen pachetonsi ingprim kipum lapen seh kelang aboha paman lo.
Laso amai along sai katiki kemenai abangphu Jagatsing Timung, DBF Manager Dr. Lonee Dutta, BVO Dr. Rajen Ronghang, VO Dr. David Bordoloi, BVO Dr. Anthony Nokso Phangcho, VO Dr. Anthony Lekthe, BVO Dr. Sapnam Ingtipi atum pen chenglok ongdung rong arat atum chetong dun.
Mai ingnine aprang rong arat atum kachopangreng, bi, chainong, longhong lapen kaprek kaprek kapareng api aphan seh langsi ingprim pum lo.
Mai along along kachetong dun veterinary asaikam asaiphu atum pen pi kapangreng aphuthak penang an alam than tekang. Laso ahut pi kapareng pen ale kelong anparta kosonsi ale kelongji aphan pi lana nangjima aphuthakta rat atum aphan pachini tekang.
Mai kapajut ahut pi kapangreng ahut akenang kaprek kaprek adovai ta rong pi kachopangreng arat atum aphan rong tekang.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives