ADVERTISEMENT

This area is available for advertisement. Please contact for details.

Arnivang
Get Adobe Flash player

Sarupathar pen Deopani constituency angkang temon kethe ongdung ahem kaheno, inut areng keso

A Correspondent,
Hanjanglangso, Thekar, Jangmi 27:
Atumi Jangmi 26 aningve porphai 8 apor malom men men temon kethe kejap ajok Sarupathar MAC constitiuency lapen Deopani MAC constituency ankang ongdung ahem kehengno.
Sarupathar MAC constituency angkang Saphapani lapen Rongdo arong along hem hum 30 sose heno dun lo. Lason thakthak Deopani MAC constituency angkang Modhuram Terang arong hum 20 sose hem heno dun pusi birta long dun.
Hem kaheno et ajok ongdung arat atum kedo athai kave, kachotun chodang athai kave ajoine temon keheno along ahem kaheno dun arat atum penang an akisung chechak nang lo. Deopani constituency angkang Modhuram Terang arong amekar Chandra Bongrum achor Basapi Terangpi ajo apor men-men temon kethek kejap ahut kacheserai dun thekthe ajoine ahir ingtangrak areng solo.
Areng keso ahir kangtangrak ajok Bokajan CHC along seh kelang damji aphan pon lo seta kelang un-eh det ajoine alangli phan Dimapur ansi seh kelang damji aphan pon nangkok lo.
Atumi temon kethe kejap kisung kepho pen pini Jangmi 27 Bhomti arni birta ketok apor ahut anke madu arleng kethe lapen hamphang asong atum kelang dam ave lang. La-an chot kali hem rit kanahok dun arat atum thangnat akerapta longle puta birta rip dun long.
District Disaster Management atum temon kethe ajoine ahem kiru lapen kaprek kaprek akisung atum along humri damsi kerap pajir nangji. Seta alangli tum aphan kapachini dam atum kave det ajoine alangli tum birta long dunde det tahai. Lasi kethek kere muchot abangphu atum Diphu DC office along kedo Disaster Management atum aphan lapuson akisung kepho arat atum aphan pachini pidam lote do-oh kali seta hem kachikim thuji aphan anke akerap long tahai.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives