ADVERTISEMENT

This area is available for advertisement. Please contact for details.

Arnivang
Get Adobe Flash player

Ringwell isivet ajoine lang cheho pensi kijun nang

Our Correspondent
Diphu, Thekar, Jangmi 27:
Zirikindeng ahavar jasemet Medical block angkang malom kedo Rongmili arat atum non malom supply alang kipipe det ajok Medical block along kedo isivet a ringwell alongsi lang kiosk chithirin lo.
Lang kesok atum ke-ongpik ajoine ajoine medical achokomar atum pen chenglok havar arat do-an atumta lang chehosi chinglu, chingthi lapen jun nang lo.
Adap apor kithur chingbaisi dap lang keme kelongji aphan lang kesok chiti lo, laso ajoinesi medical achokomar atum mesen alang long dunde detsi akacheho alangsi methang achethe kachirimji aphan jun nang lo.
Pinpurme, kedamtang 2018 aningkansi EM Khonsing Rongpi kahumri dam ahut ringwell isi nangpipo pusi lamchak pitekang, seta ketong thekthe lone pine non amat ke laso alamchak plengple lang. Laso ajoine isi vet a ringwell alangsi ongdung arat atum chithi chosok nang bom lo. Pu PHE pen kipi Water Supply scheme alang non malom ke kipipe det ajok medical asaikhi atum pen chenglok rat atum lang kijunji aphan penang an katora dolo.
Alanglitum kijun alang kadure ajoksi medical along kedo isivet aring alongsi kesok dam cheto cheto lo.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives