ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu Municipal Board atum Diphu Town ahithi kapangthir

Staff Reporter,
Diphu, Thekar, Jangmi 27:
Barla nang kele bom apor ahut Diphu ahithi kangthirthe det theklongsi Diphu Municipal Board atum patirpisi pini Jangmi 27 Bhomti arni Diphu ahithi kapangthir asai kedeng.
Diphu Municipal Board  Chairman Rah Kro kejalin kapangthir asai along MLA barim Bidyasing Ingleng pen chenglok Ward Commissioner do-an lapen kaprek kaprek asong klembangphu-phi atum chetong dun.
Diphu ahithi achitim along kedo Jambili athon along pen kapangthir pangchengsi Rongphar Rongbe, Semson Sing Ingti Memorial Park akimi malom kapangthir asai klem lo. Diphu alangroi ta kapangthirji aphan matha lo seta arve kejang dun dut ajoine akaprek aphongsi kapangthirji aphan chisik thurong lo.
Clean Karbi Anglong Mission lapen Swachh Bharat Abhiyan-Urban amen pen Diphu ahithi kapangthir etji aphan pusi pini isi kapaklang mate pangcheng lo. Lasi Karbi Along arongsopi Diphu ahithi arlo kedo akulat tin tame kachepangthir et nangji pusi Diphu Municipal Board Chairman Rah Kro ningje.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives