ADVERTISEMENT

This area is available for advertisement. Please contact for details.

Arnivang
Get Adobe Flash player

MILI DET

BORSING R HANSE
Esonvet ahan cho’ong te milidet, haithi, hothik, thorprek. Lasi,larvoi ahan cholongsi ning kangsam. Esonvet alam arjuthu ongte, junodak, esonvet akam klemver ta klemno, ening ingsamse. Lam tame sai tame larlongvoi pen keklem ke ning ingsam-o. Lasi, loh kecharli atum setame, undunver kalite, isivet akitap kaporhi vangretji puke, kasemei kecheng lo. Sonthak thaksi, isivet alam ta, arjuthulong ongte, ning siksak det. 1950 aningkan, ning keklar, ingthin keklar’et, iphu-iphi atum British arideng pen Longri chevan tanglo. Mikir pen north cachar Hills pu amen alongri van tanglo. Autonomous Dostrict Council pu, anong kethe alongri akhei–, Karbi pen Dimasa. Hulaso akai anokbe atum, Mikir hills pen Dimasa hills a Code- 244(A) tok tanglo. Myadi patta a number lo pu seta chok. Inglong akhei atum ahem arit dolo. Bang akhei arum chotondun nangnelo. Iphu-iphi atum akai la’an aman kethe, anong kejume, kethek-kere. Bangso alam kaike le arjulong seta arju dorde. Non, nilip-nihang, nirep-nichi, north cachar hills amonit atum pipotsi chethuiveng vang? 244 (A) alam, autonomous alam, hemprek alam. Karju thu’ongsi, thorset, hoset, phikset, champreng set, men-ui set. Pi apot do? Semsonsing Ingti, Khorsing Terang, Song Bey, Sardoka ingti heihui anokbe atum kevantang alongri, non kaselokthu akam klem vangve. Aphi ong kethek-,kere ong ong lo. Seta, iphu atum keklem kepatang kang un’ehlang akam klemdun thek vangvedet asonsi, kaperak, kapatemot.  244(A), Autonomous state, Hemprek pu kachesong an amat, phutung ko’an lone lit tanglo. Majok ta, ajat ta cholong thek vangve. Bang akhei alam arju te, Hem kangtui chikim longji, kari-motor anam keso nam longji. Laso aning kemathadam pen helo, khei akun kevir. Phusar-phisar atum akengkun ateng, kengkam kachejor dunde apotlo. Non, nanglu-neli ke, karbi akhei pu kachepudun ta therak meme binong an. Kopilo Longri pen Khei apharman keklem kepaklangdun kedo? Bida kimi, hikha kimi ke Bigyan pen a internet, digital pinak. Nangli ke thek tahai mene, nelike, charlidun athai chinidunde. Athema, apor nelitang telang. Nelison thakthak amonit si ilitum angbong ke, ke’ong langbon !!!  Seta, Pirthe kangting ajosi dolang pu nelipu nangne. Lingri pen Khei aphan kachinghon peme. Nanglitum ke angsong utar atumlo. Longri chinine, longpat chinine. Tank-maha, Ser-rup, manik-mukuta aphan chinichot atumlo. Khei aso kalilinang, plangdun’o anta chok ou atumlo. Seta, toh…keplang- keduk ta do nangkok. Keplang atumke keduk aphan langremdet seta, keduk atumle avedet te, keplang ahem akam klemdam abang avedet po. Lasi, iripak angno – iripak anung puta kedo lo. Ar’e-arvi pura kedolo. Keduk atum ke, esonvet ahan ta, cho selet nodak, isonvet alam ta arju selet nodak, isonvet akam ta klemkle chokche. Athema, “epok aruhum” pu alam dokok. Lasu, plang atum plang vangret, duk atum duk vangret. Ebar nuvarile ekhobar kora pu seta, chok ikpo bon! Bida kimi, hikha kimi pen kethek atum, kere atum, phusar-phisar abida avho an kephodun un-e atum. Nelitum dukdet seta karju, keklem “KAMILI” thi iklo. Anparle arjuthu nangbom, klemthu nangbom te, amihi sudet po. Apotsi, esonvet akam ke nanglitum klembom nangne lo. Nelitum klempo, arjulun po. Porom phophe, potang phophe, apun kali, achak kalili ke, ington iknoi. Nanglitum ta “MILI” iktha. Pine kakirla thekji aphan, bor’i iktha.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives