ADVERTISEMENT

This area is available for advertisement. Please contact for details.

Arnivang
Get Adobe Flash player

Adai kedo atum aphan sodak ingsai nangji: JFA

Staff Reporter,
Diphu, Thekar, Jangmi 26:
Kedamtang arnikangsam state arlo kaprek-kaprek adim along bang hini pherangke atum aphan areng kapaso aphuthak Journalists’ Forum Assam (JFA) ningkangsamse chepaklang.
News 18/Assam NE apherangke Upasana Barua Goswami pen Dainik Asom apherangke Rajen atum aphan ajahak a ot kelangno atum areng pasolo.
Tinsukia along kedo ihum a restaurant along karjunodak lam kanglit kaningje inut bang hini atum Goswami lam chedan lo. Laso ahut alangliphan a ot kelangno abangphu atum areng papho lo.
Kedamtang arni alangli kapaklang a birta alam pen ajok Mukalmua (Nalbari) alongsi Deka aphan ajahak abangphu atum areng papho lo.
Lamhoi kipi ateng police atum sai klemsi laso asailangno along kacherap dun bang pli atum aphan nep ingnang lo lapen kiri katarlip asai ta klem bom lang.
Assam police headquarter pen birta kelong ateng la hini alamhoi aphuthak ta ardipisi sai deng lo.
“Pherangke atum aphan det adang ta keraikomji aphan special protection law selam nangji pusi JFA atum hang. La-an chot non apor pherangke do-an atum ta isivet kedo nangji akenangsot lo pusi JFA ameiphu Rupam Barua pen chunbang Nava Thakuria atum birta pachetak.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives