ADVERTISEMENT

This area is available for advertisement. Please contact for details.

Arnivang
Get Adobe Flash player

Socheng Development Block angkang ongdung PMAY-G, IAY ahemso ketangte

Our Correspondent
Diphu, Thekar, Jangmi 24:
Socheng Development Block angkang Charchim Presek ahavar PMAY-G lapen laso aphan kikim IAY ahemso kim patangte pusi rat atum Block asor aphan akoi kipi.
Kedamtang Jangmi 22 arni Karbi Anglong Territorial Social Security Association (KATSSA) atum ri-tarlipsi Karbi Anglong angkang long 11 a block angkang IAY ahemso kikim ketangte kedo an kikim patang-et nangji pu ke-ot thip ajoine alanglitum Socheng Development Block angkang Charchim Presek ahavar along anta humri damsi lang tarlip dam lo. Laso ateng penang an Block pen kipi ahemso ningkan kethom-pli lo seta pini arni anta ketang pu ketheklong jumhek lang. Lahai kado kave thek longsi hadak hemso kelong dun atum aphan chetong damsi ahemso kikim ketangte det aphuthak chingki-chethan dam lo.
Hadak rat atum akoi kipi ateng pulote Block asor JE pen Gram Sevak atumsi laso asai cheparideng etlo. Anparta laso ahemso kikimji aphan atangka kedo an account along pen en-et lo seta ahemso abang ke pini arni anta tangte detlo pusi jong. Lasi badu le bangso ahemso kim seta apor ateng kapatang thekji aphansi hadak arat atum Block asor aphan kachoningri hamphang asong athengno chepaklang.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives