ADVERTISEMENT

This area is available for advertisement. Please contact for details.

Arnivang
Get Adobe Flash player

Arnam aphan kero karcho pensi HBC along Jisu kithi pen kithur katalon

Staff Reporter,
Diphu, Thekar, Jangmi 21:
Pirthe adang pini Jangmi 21 arni Easter Sunday katalon asonsi Karbi Anglong arongsopi adunghet kedo Hidisajir Baptist Church alongta Jisu Kristo aphan anong pathe kero-karcho pensi Jisu thi det pen kithur thu arni katalon.
Jisu Kristo kithi pen kithur katalon amai HBC pastor Pitor Bey girja chari lo. Laso along Deacon Kensing Bey bible keporhi cherap dunsi NKBA youth secretary achor Atoh Ronrang si Jisu Kristo kithi pen kithur katalon a girja along arnam alam than lo.
Mai along riso-okorjang atum pen arnam aphan anong pathesi arju mesen kero-karcho alun parju lo. Lason thakthak nimarli atum penta arju mesen alun Paris arnam anong kapathe along angtong pidun.
Sunday School a osomar atum penta kekan-kilun pen ning arong chipisi Jisu Kristo kithi pen kithur thu arni pachethang dun.
Mai kapajut ahut Deacon Jacob Timung arnam ardomsi mai pachekak lo. Pinpurme, tove Jangmi 20 aning Deacon Jeremiah Rongpi kachepahemphu amai along HBC a chunbang barim Philipson Bey jumesen arnam alam thansi Jisu Kristo kithi pen kithur kanghong amai ta pangni.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives