ADVERTISEMENT

This area is available for advertisement. Please contact for details.

Arnivang
Get Adobe Flash player

Tripura a Richo ahemtun aphan katengkheng aphuthak IMPC kapinrem

Our Correspondent
Diphu, Thekar, Jangmi 20:
Atumi dik Jangmi 18 arni arnitili porphai 2 apor Tripura along amat kilik kapachethang asai keklem ahut Tripura a Richo ahemtun atum aphan katengkheng.
Richo ahemtun angbong Richo asopi Pragya Kumari Devi Debbarma lapen achekle lapen Tripura state along PCC Chief Maharaja Pradyot Bikram Manikya Bahadur Debbarma ta dun lo. Aphi alanglitum kilik kapachethang along Richo apai Rajmata Bibu Kumari Devi ta chelang dun lo.
Birta aloh lapen kaprek-kaprek akrong pen kelong dun atengke bang 20-30 pangthek thekthe atum men-men richo ahemtun amonit atum aphan tengkheng dunsi kapathi dunji aphan bor-i lo. Tripura along pen chenglok North East angkang along non puta Tripura royal family atum aphan aman pi-oh lang athe Tripura a richo ingtang kring pu angthek ke la Tripura lapen North East angkang ke la-an chot lo.
Katengkheng atum laso angthek mate Tripura ke ladak khei kedo khei barim atum kedo adim pu angthek kapavirji aphan pu akemang pensi katengkheng asonsi arje thek longlo. Lapuson asai langno keklem-keklem ke pinrem meme binong. Lapuson asai langno kapaklemji aphan bidi kanglim keklem atum aphan sodak IMPC (Indian Mongolian People’s Confideration) atum pen sodak pinrem lo. Laso asai langno keklem atum aphan nep ingnangsi sodak adai en nangji pusi IMPC Sankur chunbang Bikram Hanse birta pachetak.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives