ADVERTISEMENT

This area is available for advertisement. Please contact for details.

Arnivang
Get Adobe Flash player

KSA atum Hidipi LDRB along kahumri dam

A correspondent,
Diphu, Thekar, Jangmi 20:
Rat atum methang ang-i buprup pen kelong atangka kejokvan lapen ning kachethe klong adimsi kaike kachobiji aphan aning hang. Laso atengsi rat atum dukkrup pen kelong tangka Bank along kibi chepangrum lo lapen kenangji ahut aning kehang ateng cho-ensi methang akenang ason chepalong.
Seta Hidipi along kedo Langpi Dehangi Rural Bank along tangka kachobi arat atum ke aphong aphongsi kisung kachetong nang.
Non malom ta irui sose rihin ameh kave, seta laso a bank along generator avarsai tame thikthe, laso ajoine rat atum aning kehang ateng tangka thap longle lapen kenangsot asai aphan tangka kache-enji atumta en longle det lo. Laso ajok Hidipi along kedo Langpi Dihangi Rural Bank along account kedo suri 10 anbak atum non malom penang an akisung chechak nang lo.
Lahai abirta longsi pini Jangmi 20 arni porphai 11:30 apor malom Karbi Students Association atum Hidipi LDRB along humri dam. KSA ameiphu Chingthong Singnar kejalin KSA adilung atum Hidipi LDRB manager Gopal Chandra Das aphan chetong tekang lo.
Laso ahut Manager amethang asai kacheklem pameme, non ason akisung apor ahut akenang aphan generator bi nangji pu pachini det aphita kibibe det aphuthak puthot KSA atum pen than pachini tekang.
La-an chot kali rong arat atum bank along tangka kachi dam atum aphan aphong aphong kangchek lapen lam kangtang pen kethak heihui aphuthak KSA Hidipi aro atum ning kangsamse chepaklang tekang.
Rat atum lapuson rihing ameh kave ajoine pen katora jokplotji aphan prapjin pen generator avarsai thik serak nangji puta KSA atum pen Manager Gopal Chandra Das aphan pachini tekang.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives