ADVERTISEMENT

This area is available for advertisement. Please contact for details.

Arnivang
Get Adobe Flash player

Kilik kachedan dun abangphu atum amethang-methang a vote kachejok dam

Staff Reporter
Diphu, Thekar, Jangmi 18:
Non aphong lok Sabha kilik along Karbi Anglong Autonomous Council a CEM Tuliram Ronghang amethang a vote Bithung Rengthama Constituency arlo Ram Rongpi LP School polling station alongsi vote chejok dam lo.
Congress pen kilik kachedan dun abangphu Biren Sing Ingti pini Diphu DAV School polling Station alongsi vote chejok dam. Rongkhang Constituency angkang Doloni LP School alongsi BJP pen kachetoi dun MP kilik kachedan dun abangphu Horen Sing Bey amethang a vote chejok dam lo. ASDC pen kilik kachedan dun abangphu Holiram Terang Lumbajong Constituency arlo Diphu Amlapathy LP School alongsi amethang ador keso a vote chejok dam lo lapen APHLC asong pen lok sabha kilik along MP anghoi kachedan dun abangphu J.I Kathar amethang ador keso a vote Diphu Basic School polling station alongsi kachejok dam pusi birta long.
Lason thakthak Mahamaya constituency a MAC EM Lunsing Teron tame amethang apiso-aso atum pen-pen Borganga Government LP School along amethang ador keso a vote chejok dam lo.
Lapu Sarupathar Constituency a MAC EM Jagatsing Ingti amethang a vote Adarsha Thong Nokbe LP School Right Wing a polling station alongsi chejok dun.
Lason thakthak kaprek-kaprek EM, MAC atum amethang amethang ador keso a vote amethang polling station along chejok dun rinti lo.
Pinpurme, non along lok sabha kilik ahut No. 3 Autonomous District (ST) parliamentary constituency MP anghoi aphan ratchari asong BJP, Congress, ASDC, APHLC lapen NPP atum angbongsi kilik chedan lo. Laso ratchari asong pho atum aphan pini  bang 7,95,084 a voter angbong phant 69.51 atum vote jok lo.
Phant 69.51 atum kejok a vote angthek non kevang Aru 23 vote kalakha ahut klang po, laso esek bang pho atum akopai ke EVM machine mate ballot box arlo keton-kelang angbongsi dolo.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives