ADVERTISEMENT

This area is available for advertisement. Please contact for details.

Arnivang
Get Adobe Flash player

Raju Tisso Korkanthi angkang long 3 adim vote kehang amai kapangni

Our Correspondent
Den Arong-Dokmoka, Thekar, Jangmi 11:
Atumi Jangmi 11 arni porphai 10 apor Inglongsabor polling station pen pangchengsi arnitili porphai 1 apor Paklongkam angkang kedo polling station kethom lapen arnikangsam porphai 5 apor Sam Taro polling station along KAAC EM Raju Tisso vote kehang amai kapangni.
Lason ahut Paklongkam angkang apharman kapangni amai along Sotrasing Teron jalinsi Congress pen kado kave don 60 arat atum BJP along chingbe dun. Akimi BJP along kachingbe dun atum aphan EM Raju Tisso si deng lo. EM Raju Tisso long thom vote kehang amai kapangni along EM barim Kangbura Tokbi, Samelangso Block Mondol meiphu Chondra Ingti, Doloi Killing, Mohila Morcha ameiphi Sika Teronpi, Mally Ingtipi, Jiten Kramra, Dikrut Ronghang lapen Narayan Phangcho atum chetong dun.
EM Raju Tisso kejai ke, ASDC lapen Congress atum kachari ahut kiboidet arat atum aphan thangnat kachingthur avarsai amatsi pipe, bonta BJP ratpangri kachari ajakong kelong pen Karbi Anglong along amatta ningkan 2 anvetlang, setame kachingthur asai thek long lo. Hemso, tovar, kachiti ahem anparta matha un-eh pin kachingthur thek longlo. Lasonsi non aprang kevangjisi ke-ong lang puta EM Raju Tisso jai tekang.
Paklongkam alangsun along aprang ason rihing ameh kapalong thuji aphan puthot dak amatsi bangso ameh akor ahem nangkim pen rat atum rihing ameh long rep po, lasi non pen apar ansose kachingthur amo kelong thuji aphan non aphong lok sabha kilik along BJP pen kachetoi dun MP anghoi aphan kachedan dunji abangphu Horen Sing Bey aphan ongdung a vote pen pahaisi Delhi along chetoi dun nangpo.
Alangliphan ilitum jongsi ongdung a vote pen pahai lote Parliament along Karbi Anglong arat akar-i hemprek pen chenglok MoS, MoU aphuthak ta alangli nang ningje pidun thekpo puta alangli mai jai tekang.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives