ADVERTISEMENT

This area is available for advertisement. Please contact for details.

Arnivang
Get Adobe Flash player

‘Kilik haidet te mek jang thu lipo’ pu Biren Sing Ingti kaningje aphuthak ASDC ningkangsamse chepaklang

Staff Reporter,
Diphu, Thekar, Jangmi 12:
Hills Times abirta aloh along Jangmi 13 arni kapaklang Congress pen MP kilik kachedan dunji abangphu Biren Sing Ingti kaningje, ‘jongsi kilik nang pahai pen jakong nangpi pulote ne mek jang dun bom alang’. Laso alam Biren Sing Ingti kaningje aphuthak Autonomous State Demand Committee atum ningkangsamse chepaklang. Alangli lapuson alam kaningje ke Karbi Anglong pen North Cachar Hills arat atum aphan kapatherak anparta kelangrop angthek lo.  Biren Sing Ingti alangli kedo bom lapen Congress apharman MP kilik kachedan dunji abangphu lo, lasi alangli lapuson alam kaningje apot inglong aso arat atum pen diya chohang nangji. La-an chot kali alangli amethang asong aphanta kapatherak binong lo. Arta ningkan 76 keplengtang abangphu Birensing Ingti hen lo MP keman ajirkidingnai abangphu lo, lasi alangli lapuson alam ningjeje det nangji apot lo. Lasi non aphong ke alangliphan vote jokje detsi MP anghoi pangni longle det nangpo pusi ASDC pachethang chunbang Daniel Teron birta pachetak.

Leave a Reply

Your email address will not be published. Required fields are marked *

April 2019
M T W T F S S
« Mar    
1234567
891011121314
15161718192021
22232425262728
2930  
Archives