ADVERTISEMENT

This area is available for advertisement. Please contact for details.

Arnivang
Get Adobe Flash player

Chowkihola along BJP atum kilik pachethang amai kangni

ASDC, Congress lapen songve atum pen-pen bang 168 atum BJP along kachingbe dun

A Correspondent,
Hanjanglangso, Thekar, Jangmi 12:
Pini anerlo porphai 2 apor Nilip MAC Constituency angkang Chokihola BJP saihem along lok sabha kilik kapachethang Horen Sing Bey apharman vote kehang amai pangni.
BJP Nilip Mondal a dun meiphu Jiren Ingti kachepahemphu amai along Nilip VDC Chairman Timothy Teron mai along kachetong dun alohi atum aphan pachini lapen mai kepha alamthe jai. Mai along alohi sarpo aman pen Bokajan MLA Dr. Numol Momin chetong dun. MAC Pabitra Rongpi, VDC Chairman Timothy Teron, Minority Chairman Win Ronghang, Mongal Sing Singnar, Pradip Phangcho, David Rengma, Boson Rongphar, Samson Ingti, Phudang Phangchopi lapen Alisha Terangpi atum chetong dun.
Mai athepi alam Nilip Block Mondal chunbang Bapuram Teron si kejai. Mai along ASDC, Congress lapen songve along kacherap dun arat atum amethang methang asong che-ohsi BJP along chingbe dun.
BJP asong along akimi kachingbe dun atum pen kaningje ke, ratpangri along kave asong along kedo thangnat ale ave, lasi Nilip ahavar kapachingthurji aphan kachari bom aratchari asong along do dun nangji pu akamatha pensi BJP along chingbe dun lo puta akimi BJP along kachingbe dun atum ningje.
Pini India along BJP ratpangri kevang pen ason-ason kachingthur ason deng lo lapen pini India along puthot BJP aphan kapahaiji aphan chesik ding lo. Ahok pet alam ke MoU, MoS heihui kapachun dunji ke Horen Sing Bey anvetlo pusi alohi sarpo MLA Dr. Numol Momin jai.
Nilip ahavar ta ke-ong dung a vote joksi Horen Sing Bey aphan pahai dunpo lapen kehai angthek kemesen a Constituency atum aphan mesen nong-eh tame piji puta pangdak.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives