ADVERTISEMENT

This area is available for advertisement. Please contact for details.

Arnivang
Get Adobe Flash player

Congress along Hum Sing Bey kachingbe dun

Staff Reporter
DIPHU, Thekar, Jangmi 11:
Atumi Jangmi 10 arni Diphu, Karbi Anglong District Congress Committee (KADCC) asaihem along pacherap kangdang amai kangni. KADCC dun meiphu Pran Kumar Dutta kachepahemphu amai along alohi sarpo aman pen Congress MP Candidate Biren Sing Ingti chetong dun. Kangdang amai along jasemetpet Mandal Congress Committee pen Booth Committee atum rong-rup arlo kilik kapachethang asai kedeng aphuthak chingvai lapen anparta AICC pen APCC election manifesto along kejong aphuthak ta mai along than paklar. Kachingvai amai along kaprek ratchari asong atum methang asong che-osi Congress asong along chingbe dun. BJP asong atum CAB, 2016 kevanji aphan kejong, alamchak ateng pen kapachobai, hok un-eh pin kachopanglim asai keklem ajoine BJP ajakong kapabopji aphansi Congress along chingbe dunlo pusi mai along lamthe chepaklang rinti lo. Pini amai along BJP jabang lapen KAAC EM barim Hum Sing Bey pen danglok Dilaojan along BJP klembang Adison Terang, Bodoloi Killing jalinsi arisangho bang 15, Dhansiri AGP Mahila ameiphi Chemar Hansepi, Ramu Maibangsa, Dhansiri along BJP klembang Haru Rahman, Karbi Anglong District BJP Minority Morcha meiphu barim Sahabuddin Ahmed, Diphu town ward No. 9 along AGP klembang Deben Tokbi lapen arisangho bang 15, ward commissioner barim Santaram Hanse, Dhansiri AGP klembang atum Mili Hansepi, Rabika Rongpipi, Sabitri Ronghangpi, Basapi Ronghangpi lapen Eli Teronpi lapen BJP pen Manik Singnar, Joysing Teron, Bura Sing Rongpi, David Kro lapen Abel Timung atum Congress asong along chingbe dunlo pusi KADCC sankur chunbang (Press-Media & Publicity) Bidya Sing Rongpi birta pachetak.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives