ADVERTISEMENT

This area is available for advertisement. Please contact for details.

Arnivang
Get Adobe Flash player

Bilapara along CEM Tuliram pen CEM Hagrama bang hini chelangsi Horensing Bey aphan vote kehangpi

Karbi Anglong akemang kapachunji aphan BTAD penta nang cherap dunpo: Hangrama

A Correspondent,
BAKALIA, Thekar, Jangmi 11:
Lok Sabha kilik kechengsi a phase vote kejok arni non adunthu a phase along vote kejokji No. 3 Autonomous District (ST) Parliamentary Constituency along BJP pen kachetoi dun MP anghoi kachedan dunji abangphu Horen Sing Bey apharman pini Langhin Belapara along Karbi Anglong Autonomous Council  a CEM Tuliram Ronghang pen BTAD a CEM Hangrama Mohilary, bang hini atum chelangsi vote kehangpi.
Laso vote kehang along Bodoland a MP Biswajit Daimary pen chenglok BTAD a EM Tarendra Brahma, VDC Khonsai Basumatary lapen Langhin Town Committee a chairman, Ex BLT pen Santuna Basumatary atum chetong dun.
BTC chief executive member Hagrama Mohilari pen Biswajit Daimari atum Karbi Anglong arat akar-i Article 244 A kapalongji aphan un-an nangbor-i dunji pusi rat amai along chechak tekang.
Non kevangji Jangmi 18 arni BJP MP kilik kachedan dun abangphu Horensing Bey aphan ongdung a vote pen pahaisi Article 244 (A) pen MoS lapen MoU kapachunji aphan ta klem po. Netum BTC pensi tame un-an kacherap-cheto dunji pusi rat angno jai tekang.
Mai along Langhin angkang kedo kaprek-kaprek ahavar pen kado kave bang suri pho armu chetong dunsi alanglitum kejai alamg arju dun lo.

Leave a Reply

Your email address will not be published. Required fields are marked *

April 2019
M T W T F S S
« Mar    
1234567
891011121314
15161718192021
22232425262728
2930  
Archives