ADVERTISEMENT

This area is available for advertisement. Please contact for details.

Arnivang
Get Adobe Flash player

Bang 11 MAC kithurtang atum BJP aphan chongthui det

Our Correspondent
DIPHU, Thekar, Jangmi 11:
Diphu Rongkimi along kedo National People’s Party- Karbi Anglong District Committee (NPP-KADC) asaihem along National People’s Party (NPP) along nang kidunmi atum aphan kedeng amai pangni. Kedamtang MAC kilik along TMC, AGP lapen songve pen karjap dun bang 11 atum NPP along chingbe dun lo. Kidunmi atum aphan No. 3 Autonomous District (ST) Parliamentary Constituency apharman NPP pen karjap dun Lienkhochen si deng lo.
Pinpurme, kedamtang Jangmi 8 arni Diphu Club along BJP amai kapangni ahut bang 11 atum ta kaningje ke non adihu kilik BJP alongsi cherap dun po pusi chepaklang dun lo. KAAC CEM Tuliram Ronghang lapen BJP ratchari asong pen karjap dun Horen Sing Bey atum athengnosi ning pathe dunsi chepaklang dun rinti lo.
NPP ratchari asong kemang ‘nirep nirep isi, ese isi’ (One Voice, One North East) pu atengsi nihang nirep ahavar arat kapangtangji aphansi klem dam rappet nangpo. Ilitum kado kave ta Citizenship Amendment Bill (CAB) ke khamkhe thip nangji pusi NPP MP Candidate Lienkhochen jai.
Kedam kevang avarsai, toklang, ok-pran lapen nihang nirep ahavar kedo khei barim atum ajakong keraikom aphuthak NPP pen klem-damji. Kevangji Jangmi niphai 12 arni pen NPP apharman vote kehangji aphan high command atumta vangji. Lasi NPP along kedo an arpu kedo pen chenglok sai klembang atum ning kethe dosi ning the-klong pen bangso asong aphan sai klem dam nangji puta NPP MP candidtate Lienkhochon choningri.
Kedamtang Jangmi niphai 8 arni kedamtang MAC election ahut TMC, AGP lapen Independent pen karjap dun bang 11 atum bang BJP alongsi non adihu MP kilik ke cherap-cheto dun po pusi chepaklanglo, bonta nelitum aphan nang keja Bithung MAC Constituency pen karjapdun Kangbura Hanse abang ahok kave ajoinesi NPP along chingbe dun nanglo. Kachingvai ateng pulote BJP kapahaiji apharman sai keklemji aphan gari chiri non lapen keklem kedam aphan ta nang archak dun po pusi chekroilo. Bonta keklem-kedam abang kebeng-keplak theklongsi CEM aphanta phone pen kachingkiji aphan bor-i lo, bonta thangnat alamthe ardi nang ke-en-eh det ajoinesi NPP along chingbe dun nanglo. Non amat nelitum arideng 30,000 a vote anbak aphai dolang pusi kedamtang MAC kilik ahut Nomati Constituency along TMC pen karjap dun Ram Hanse jai.
Kedamtang MAC kilik ahut kachedan dun Borjan pen Jiten Ronghang (AGP), Sarupathar pen Jems Rongphar (TMC), Phuloni pen Lokhon Kro (TMC), Langpher pen Moniram Ingti (TMC), Hamren pen Dilip Rongphar (AGP), Nomati pen Ram Hanse (TMC), Amreng pen Arjesh Phangcho (songve), Howraghat pen Dilip Ingleng (TMC) lapen Mahamaya pen Suren Tokbi (TMC) atumsi NPP along chingbe dun lo.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives