ADVERTISEMENT

This area is available for advertisement. Please contact for details.

Arnivang
Get Adobe Flash player

Assam Phase 1: Lok Sabha long pho anghoi kilik along phant 68 kele

Chhattisgarh along phant 56, Andaman and Nicobar 70.67, Telangana ke 60, Jammu and Kashmir ke 54.49, Uttarakhand ke 57.85, Andhra Pradesh ke 66, Sikkim ke 69, Mizoram ke 66, Nagaland ke 78, Manipur ke 78.2, Tripura ke 81.8 lapen West Bengal along phant 81

Staff Reporter
GUWAHATI, Thekar, Jangmi 11:
Pini Lok Sabha kilik kechengsi phase along kado kave 91 anghoi angbong havar 20 lapen 2 Union Territories along vote jok lo. Lason thak thaksi Assam along Tezpur, Kaliabor, Jorhat, Dibrugarh lapen Lakhimpur Lok Sabha constituency along kado kave 9,574 polling stations along 7516284 a voter aphai angbong 38,27,811 ke pinso aphai, 36,88,315 a voter aphai ke so-arlo lapen bang 158 ke longpunghop a voter aphai do. Arnikangsam porphai pho apor an kilik aphai kele ke- Dibrugarh Lok Sabha anghoi kilik aphant Moran LAC along phant 71, Dibrugarh LAC along phant 67, Lahoal LAC along phant 70, Duliajan LAC along phant 69, Tingkhong LAC along phant 71, Naharkatia LAC along phant 71 lapen Chabua LAC along phant 71; Kaliabor Lok Sabha anghoi along Biswanath LAC phant 77.47 lapen Behali LAC phant 77.24 pangrumpet phant 77.35; Jorhat Lok Sabha anghoi kaparlo along vote kejok aphai kele Jorhat along phant 75, Teok along phant 71.25, Thowra along phant 74.41, Amguri ke phant 75.16, Sivasagar ke phant 73.65, Titabar ke phant 74.68, Mariani ke phant 75.47, Sonari ke phant 73.45, Sonari ke phant 73.45, Mahmara ke phant 76.66 lapen Nazira along phant 73; Lakhimpur Lok Sabha anghoi along phant 68.27 lapen Tezpur Lok Sabha anghoi along  ko-ansi vote kejok aphai kele birta ketok apor ahut anke klardak longle lang.
Pini kechengsi a phase Lakhimpur Lok Sabha anghoi along non kikhibom MP BJP candidate Pradan Baruah amethang a vote Rupnath Brahma H S School polling stations alongsi chejok dam lo. Assam Chief Minister Sarbananda Sonowal ta Dibrugarh along Sahitya Sabha Bhavan polling stations along jok dam lo. Dibrugarh Lok Sabha anghoi pen non kikhibom MP BJP a candidate Rameswar Teli ta amethang a vote chejok dun. Assam CM barim Tarun Gogoi lapen Kaliabor a candidate Gaurav Gogoi atum Jorhat polling station alongsi chejok dun lo. Lakhimpur anghoi Congress a candidate Anil Borgohain Dhemaji College along si vote kejok dam. Sinatoli, Mariani, Jorhat district along kachechak ason pachunchedet apot rat atum pen kilik ke boycott.
Jangmi 11 arni si Arunachal Pradesh ahavar constituency hini (West Arunachal Pradesh lapen East Arunachal Pradesh), Meghalaya pen hini (Shillong and Tura), Manipur pen isi (Outer Manipur), Mizoram pen isi (Mizoram), Nagaland pen isi (Nagaland), Tripura pen isi (Tripura West) lapen Sikkim pen isi (Sikkim) along pini vote jok lo.
West Tripura constituency pen CPM candidate lapen non kikhibom MP Shankar Prasad Datta lamhoi kipi. Alangli kethan atengke, bang hini polling agent aphan Ranirbazar lapen Jogendranagar asanchom along katengkheng. Laso asanchom penang atum ke vote jokje aprang cherui lap. Meghalaya state Shillong lapen Tura Lok Sabha constituencies along electronic voting machines (EVMs) kaheno thek alam long. Meghalaya Chief Minister, Conrad Sangma pen West Garo Hills district Walbakgre polling station alongsi vote jok dam lo.
Pinpurme, Assam along kechengsi a phase kilik ason-ason kapathik asai ke- pangrumpet polling station 9574, betung 180 nang kisun angbong kilik ahut soluk sodak atemon kapave detji aphan nang kisun aphai 42,126, pangrumpet Micro Observers ke 614, so-arlo aphan polling station along kepon aphai ke 201, All Model PS aphai ke 225, polling station atok ke- 20, Flying Squad Team (FST) kapathik 151, Static Surveillance Team (SST) ke 137, Video Surveillance Team (VST) ke 118, EVM lapen VVPAT pangrumpet ke-en aphai 9574 a set, pangrumpet hor kelong aphai 1,51,619.4 litres (Ador: Sika 1,37,30,925) lapen pangrumpet tangka kereng kelong Sika 10,21,06,521 atangka aphai do.

Leave a Reply

Your email address will not be published. Required fields are marked *

April 2019
M T W T F S S
« Mar   May »
1234567
891011121314
15161718192021
22232425262728
2930  
Archives